وكمان هههههههههه
- استضافوا واحد بلدياتنا في برنامج الكاميرا في الملعب سألوه بتشجع مين قالهم المقاولين العرب
قالوله بتحب مين في المقاولين العرب قالهم الجماعة بتوع المحارة .
- بلدياتنا فتح محل جواهرجي عمل أول يوم ببلاش ..
- واحد وقع في حفرة حدفوله حبل طلع مشنوق .
- 3 بلدياتنا بيلعبوا على القهوة واحد قال كش ملك والتاني قال دبش
والثالث راح واخد الكوتشينة وماشى.
- الأمريكان والروس بيترسموا على بعض الأمريكان يقولوا احنا أول ناس طلعنا القمر
والروس يقولوا لا أحنا أول ناس طلعنا القمر واحد مصري كان واقف اضايق أوى
قالهم انتوا لما طلعتوا القمر لقيتوا إيه هناك ؟ قالوله طوب ورمل وزلط قالهم احنا اللي مطلعينه.
- واحده بتقول لجوزها عمرك ماقلتلى كلمه تحسسني إن أنا مرآتك؟ قالها إنتي طالق .
- بلدياتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه .
- بيسألوا واحد صعيدي بيقولوله المصري بنى الأهرامات والياباني بنى إيه قالهم بنا سونيك .
- بلدياتنا أشترى تاكسي كل لما حد يقوله تاكسي يقوله أيوه تاكسي .
- بلدياتنا أشترى عربيه هيدروماتك قطع رجله الشمال .
- 2 بلدياتنا بيلعبوا شطرنج فواحد بيقول للثاني أنا قتلتلك الحصان
الثاني قاله طب ثانيه واحدة ... لما رجع قاله وأنا سممتلك كل بهايمك .
- بلدياتنا نزل في محطة الرمل رجله غرزت .
- مسطول بيقول لصاحبه تصدق إن بوش جاي مصر بكره قاله علي الطلاق الأهلي يغلبه 4.
- مسطول ركب العربية بتاعته ملقاش الدركسيون ولا التابلوه ولا الفتيس راح عمل بلاغ في القسم إن العربية اتسرقت بعد شويه اتصل بالقسم قالهم الغوا البلاغ أصل أنا كنت راكب ورا .
- مره اتنين مجانين اتفقوا انهم يهربوا من المستشفى واحد قال للتانى لو لاقينا الصور عالى نهده لو لاقيناه واطى يبقى ننط من فوقيه.. التانى قاله ماشى.. راحوا مالاقوش صور خالص قالوا يخساره المهمه فشلت.
- مرة واحد غبى ماشى فى الشارع قابل قرد فمشي بيه.. قابل عسكرى مرور.. سأله أودي القرد ده فين.. العسكرى قال له.. وديه جنينة الحيوان.. تانى يوم عدى الرجل بالقرد العسكرى قال له.. مش قلتلك وديه جنينة الحيوان قال له.. ما أنا وديته امبارح النهاردة بقى هاوديه السينما.
- واحد غبى جدا حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمة.. ففكوه ونزلوه بسرعة.... فبص لهم وقال: ياجزم كنت هتخنق.
- أغبيه راحو يلعبو بلياردو.. واحد منهم وقف فوق الطرابيزة وقال لهم انا الجوووون.
- مره واحد بيسوق عربية شاف يافطة مكتوب عليها ( خفف 100 ك) راح مخفف 100 ك.. قابل يافطة تانية مكتوب عليها (خفف 50 ك) راح مخفف50 ك .. قابل يافطة مكتوب عليها "اهلا بكم في مدينه خفف".
- في واحد حرامى والتانى ندل.. فالندل بيقول للحرامى علمنى السرقة.. فسرق محفظة واحد.. وقال له.. أهو علمنى انت بأة الندالة.. راح مسكوا وقال حرامى.
- كان مرة واحد كل يوم يحلم بماتشات عصافير فراح للدكتور.. وقال له على اللى بيحصله والدكتور قاله خد الدواء ده النهاردة رد عليه.. وقال له استنى عشان النهاردة الماتش النهائى.
- واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو.. شوية والباب خبط.. مين.. افتح بوليس.. راح مقطع الخمسين جنيه بتاعة البانجو.
- مرة واحد مجنون كان بيكتب جواب فدخل الدكتور عليه قاله بتعمل ايه.. قاله بكتب جواب لنفسي فقاله الدكتور.. بتكتب فيه ايه فرد عليه المجنون وقال.. يامجنون هو لسة جالي عشان اعرف.
- مرة واحد أحول عنده حمامة حولة حب يدخلها القفص.. حطها برة القفص.. وجت تهرب راحت داخلة جوة القفص.
- مرة اتنين مجانين واحد فيهم رسم اسد على قلبه.. التانى قاله انت مش خايف لياكلك قاله لا انا رسمته من غير سنان.
- عجوزة شافت اسد خافت.. قالها ماتخافيش انا مش بأكل نواشف.
- واحد غبي فتح محل أنابيب فجر 2 انبوبة دعاية للمحل.
- مرة غبي خبطته عربيه وخلاص هيموت فالناس اتلموا عليه فمسكه واحد جامد اوى وقاله انطق الشهاده انطق الشهادة قاله دبلوم زراعة.
- مرة اتنين بيستعبطوا اتجوزوا وخلفوا ولد عمل نفسه ميت.
- مرة واحد رايح مصر بالحمار فلقى الناس بتضع بنزين للسيارة فسأل واحد قاله أنت بتضع إيه للسيارة قال له بنزين قال له ليه قال له عشان السيارة تمشى بسرعة أم حط الخرطوم فى بق الحمار فجرى جرى وراه بعد كده تاه الحمار راح بات فى فندق فوجد السرير حلو ورجليه فيه طين فنام تحت السرير جاه الموظف الصبح مشفهوش فقال باين مشى فجاء عريس وعروسة فى الاوضة فالعروسة قالت للعريس انت شايف ايه فى عيني ياحبيبى قال لها أنا شايف فى عنيك الدنيا كلها راح الراجل طلع من تحت السرير وقال والنبى شفيلى الحمار بتاعى.
- واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس.
- واحد راح للدكتور قالوه انا عندي صداع قالوا الدكتور انتا بتنام والشبك مقفول ولا مفتوح قالو مقفول ، قالو الدكتور افتحوا.. تاني يوم جالو الراجل.. فقالو الدكتور ها راح الصداع ؟ قالوا : الصداع راح... والبوتجاز راح... والتلفزيوون راح.... و....و.
- فيل ونمله ماشين على البحر.. فجأه الفيل رمى نفسه فى البحر ليه ؟؟؟؟؟؟؟..... أخو النمله جاى وراهم.
- مرة واحدة ست قالت لإبنها : خد الفلوس دى وروح هاتلى دواء يصغرنى عشرين سنة فذهب الولد ورجع ومعاه الدواء، وراح المدرسة رجع الولد لقى والدته صغيرة عشرين سنة، قال لها: إنت صغرتى قوى يا ماما، بس إيه العيل اللى فى إيدك ده قالت له: إسكت يا واد مش أبوك شرب العلبة كلها.
- واحد غبي راكب مع ابوه العربيه.. ابوه قاله اقفل الشباك ياولد الجو برد.. الولد قاله ياسلام عليك أما انت عليك تقاليع.. هو يعني لما اقفل الشباك الدنيا بره هتحرر؟.
- مسطول راح المحكمة, القاضى بيسأله انت متجوز مين.. قاله: متجوز واحدة ست, القاضى قاله أنت هتهرج أمال فى حد بيتجوز راجل .. قاله: أه أختى.
- سألوا واحد بخيل .. تعمل ايه لو الدنيا برد.. قال: أروح للدفاية.. قالوا: ولو الدنيا بردت أكتر..
قال: أقرب من الدفاية .. قالوا: ولو بردت أكتر.. قال: ألزق في الدفاية.. قالوا: طب ولو نزل تلج.. قال: أشغل الدفاية بقى وأمري لله.
- مره واحد مسطول فتح محل سماه (نجارة الاقمشة الكهربائية لصناعة الاحذية الطازجة).
- مرة واحد مسطول مروح البيت، وبقاله ساعة مش عارف يفتح الباب مراته من البلكونة بتقوله ارميلك المفتاح، قالها لا المفتاح معاية ارميلى خرم الباب.
- مرة واحد غبي عنده ارق ومش عارف ينام.. قال له صاحبه عندي لك طريقة للنوم مؤكدة .. عد من واحد الى خمسمية.. أخونا مكدبش خبر.. وأول جه الليل راح للسرير وبدأ يعد .. واحد .. اثنين.. ولما وصل الى ميه وتسعة وتسعين.. كبس عليه النوم.. قام جري غسل وشه ورجع للسرير يكمل العد.
- واحد بخيل قال لابنه: إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك.
- واحدة ست جالها وجع الولادة اتصلت بامها جت أمها اتصلت بالدكتور، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور، وبص لقي عيل تاني مسكه من رجليه وضربه فصرخ الطفل فاطمئن الدكتور، بعد كده الدكتور غسل ايده ومشي.. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه.
- واحد اخترع حبوب للحامل علشان المولود يطلع مؤدب وكل مولود فعلا نزل مؤدب.. واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول.
- مره دكتور عظام مشى باليل الكلاب طلعت تجرى وراه.
- واحد صاحب مزرعة فراخ حمل العربية فراخ ثم مشي ووقفته لجنة وسألوه "محمل إيه ؟" قال لهم فراخ، قالوا له "بتأكلها إيه ؟" قال: بأكلها قمح قالوا له: عليك غرامة 100 جنيه بتأكل الفرخ قمح والبلد مش لاقية تاكل".. مشي مرة أخرى وهو مكمل وقفته لجنة وسألوه محمل إيه قال: فراخ، قالوا له "بتأكلها إيه" قال لهم بأكلها زبالة.. قالوا: غرامة 100 جنيه بتأكل الفراخ زبالة وتسمم الناس.
كمل علي الطريق ثم أوفقته لجنة، وسأله الظابط "محمل إيه؟" قال: فراخ، قال له "بتأكلها إيه؟" قال له والله يا باشا، أنا بادي لكل فرخة مصروف وهي تجيب الأكل اللي عايزاه".
- في حرامي دخل بيت عشان يسرق وهو بيفتش في البيت طلعت عليه صاحبه البيت وكانت تخينه اوي ومسكته ورمته على الارض وقعدت عليه وقالت لابنها : نادي ابوك يا محمد من على القهوه.. الحرامي قال بسرعه يامحمد وحياة والدك بسرعة.
- مرة واحد اقرع خلف ولد سماه شعراوى.
- غبي دفن نصه فى الارض عشان يصور كليب انا عايش ومش عايش.
- واحد غبي حب يقتل سمكة قام غرقها.
- مرة واحد راح يخطب واحدة باباها قال له بس البيت لسله بتدرس قال له خلاص اجلها فى الفسحة
نكتة محكوم عليها بالاعدام ليه عشان موتت واحد من الضحك.
- فى نقطة زرقة على الحيطة ايه هي.. نملة لابسة جينز.
- بخيل شاف اللى يبدخلوا المسجد كتير راح قلبه مطعم.
- اسد وكلب اتفقوا ان كل واحد يضرب التانى على قفاه فبدأ الكلب وضرب الاسد ولما جاء الدور على الاسد الكلب جرى والاسد بيجرى واره فسأل قرد قاعد بيقرى جريدة فقاله الاسد ماشفتش كلب بيجرى من هنا قال له اللى ضرب الاسد على قفاه قاله له يخرب بيوتهم هيه لحقت تنزل فى الجرايد.
- كلب شوارع مر على من جنب قسم شرطة شاف كلب بوليسي قال أخ لو كنت كملت تعليمي.
- شحات مر على عجلاتى قال له اعطينى مما اعطاك الله قال له العجلاتى خد لك لفة.
- واحد اتجوز واحدة اسمها نعمة باسها وش وظهر.
- الأمريكان والروس بيترسموا على بعض الأمريكان يقولوا احنا أول ناس طلعنا القمر.. والروس يردوا لا احنا أول ناس طلعنا القمر .. فواحد مصري كان واقف وغضب جدا.. فقال: انتوا لما طلعتوا القمر لقيتوا إيه هناك ؟ قالوله طوب ورمل وزلط قال لهم احنا اللي مطلعينه.
- قالت البنت.. بابا في شاب ابن ناس ومافيهوش ولا عيب عايز يجي يخطبني.. طبعآ وافق الاب
جه الشاب وقعد مع الاب وكان في فمه لبانه.. قال له الاب انت عجبتني قوى وما فيش عندك ولا عيب
بس هل دى مناسبة تمضغ فيها لبانه.. قال له بس ياعمي دي ضرورية بعد السيجارة.. قال له هو أنت بتدخن.. قال له على خفيف مع كاس الويسكي.. قال له وبتشرب كمان.. قال له احيانا لما بلعب قمار.. قال له فين بقى بتلعب القمار.. قال له فى الكباريه.. قال له ومن امتى بتروح على الكباريهات.. قال له من وقت ما طلعت من االسجن.. قاله وليه دخلت السجن.. قال له ضربت واحد بالسكينة ومات .. قال له وليه موِته.. قال له لاني طلبت ايد بنته وما وافقش.. قال له الاب على بركة الله يالله نقرى الفاتحة.
- واحد عنده كتكوت مفترس كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا.. صعب عليه الكتكوت وراح يشوفه بعد تلات أيام، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت.. قام الكتكوت وقال له : يخرب بيتك بوظت الكمين.
- اتنين مساطيل.. واحد سأل التاني هو النهارده السبت ولا الاحد.. قال له الاتنين.. قال ماشاء الله هما بقوا سوى.
- واحد دلوعة اوي ابوه جاب له شريط اسلامي عشان ينصلح حاله.. تاني يوم الاب رجع البيت لقى ابنه متحجب.
- واحدة ست اشتركت فى من سيربح المليون جوزها طلقها عشان اتصلت بصديق.
- واحد مسطول راح صيدلية يشترى جبنه.. فحاول الصيدلى يفهمه ان مفيش جبنه بتتباع هنا..وشويه ومسطول تاني جه، فالصيدلى.. قال له قول لصاحبك ان مفيش جبنه بتتباع هنا.. قال له ياعم سيبك من ده غبى ادينى بنص جنيه لانشون.
- واحد قال نكتة قديمة طلع تراب من بقة.
- الابن يسأل والده: هل تستطيع أن تكتب في الظلام يا أبي.. الأب: نعم..الابن: أذن أطفىء النور وإمضيلى على شهادتي.
- واحد قبل ما يموت جمع ولادة الثلاثة وحب يوصيهم ان يبقوا ايد واحدة واعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قال لهم طالما معاكم البغل ده مفيش خوف عليكم.
- واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني،
حاجة تانية فسموه جحش فراح لمراته فرحان بيقول لها مش الناس خلاص سموني جحش قالت له وهي غضبانة اتنيل ما أنت بكره تكبر وتبقي حمار تاني.
- واحد ندل جيرانه خبطوا عليه بالليل وقالوا له ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربي ميه ونامى.
- مرة واحد غبى جاله عقد عمل فى الكويت يوم السفر قاعد فى المطار فالمذيع الداخلى بيقول على ركاب الرحلة رقم 550 المتوجهة الى الكويت التواجد بصالة الدخول واعاد ذلك مرة ثانية فموظف المطار بيقول له يا استاذ رحلة الكويت هتطلع, فرد عليه وقال له ياعم دول طالعين رحلة انا طالع شغل.
- مره طالبه مشاغبة المدرس اشتكاها للمدير.. المدير بعتلها قال لها عملتى ايه.. قالت له ولا حاجه رميت ورده من الشباك.. قال بس كده.. قالت له اه.. بعد شويه لقى طالبة مدغدغة ومكسرة.. سألها ايه اللى عمل فيكى كده.. قالت له انا ورده الى اترميت من الشباك.
- مرة واحد واحد تاكسجى نايم..فدخلت عليه مراته الاوضة بالليل وقفلت الباب بشويش فصحى وقال لها افتحيه واقفليه تانى.
- صرصار ندل عزم 4 من أصحابه اول ما اتجمعوا شد السيفوووون عليهم.
- مره واحد سرق فرخة وراح عند البحر نضفها واكلها.. جه الضابط.. وقال له انت سرقت الفرخة .. قاله لا يا باشا.. قال له الضابط والريش ده.. قال له دي نزلت تعوم وقالتلي اخلي بالي من الهدوم.
- ولد صغير بيقول لاخوه التوأم ماتباقش تتأخر بره كتير عشان ماما حمتني مرتين.
- واحد راح عمل عملية في عنيه وبعدما فك الدكتور الشاش قال للمريض: دول كام.. المريض: مش شايف.. الدكتور: طيب دول كام.. المريض: مش شايف حاجة خالص.. راح الدكتور مسك ودن المريض وقاله ايه دي.. فرد المريض: ودني.. وقال الدكتور.. ياراجل خضتني.
- 3 نسور عاملين مسابقه عشان يشوفوا مين اكتر واحد يصطاد.. النسر الاول راح ورجع على منقاره نقطة دم بيقولوا له ايه ده قالهم شايفين الجبل اللى هناك ده انا اصطدت اسد وراه .. الثانى راح ورجع على منقاره نقطتين دم قالوا له ايه ده قالهم شايفين الجبل اللى هناك ده اصطدت نمر وراه..الثالث قالهم وسع انت وهو وراح ورجع وجهه كل دم بيقولوا له ايه ده قالهم شايفين العمود اللى هناك ده..انا مشوفتوش.
- واحد راح يصوت فى احد الانتخابات الرئاسية فلما ذهب قالوا له خد الورقة دى لو موافق ضع علامة صح ولو مش موافق ضع علامة خطأ.. وراح وراء الستارة ووضع علامة خطأ ومشى وهو فى السكة شعر بتأنيب الضميره ورجع تانى.. وقال: يا جماعة انا غلطت ووضعت علامة خطأ وعاوز اعدلها رد عليه رئيس اللجنة احنا خلاص عدلناها ومتعملش كده تانى.
- صعد رجل الى التاكسي وقال للسائق نادي الاصدقاء لو سمحت.. فرد عليه السائق بغضب ولماذا لا تناديهم حضرتك.
- نظرت عجوز في المراة فرأت تجاعيد في وجهها وسواداً حول عينيها فقالت يا الهي لقد وصل الغش الى المراة ايضاً.
- واحد غبي سأل موظف الاستعلامات المشغول بالمطار: لو سمحت، الطيارة تاخد وقت قد إيه من القاهرة للندن ؟.. الموظف قال له: ثانية واحدة... فقال الغبي: شكراً.
- قالت السيدة للخادمة احملي الدلو وانزلي الى الحديقة لتسقي الزهور.. قالت الخادمة لكنها تمطر يا سيدتي.. فقالت السيدة اذن خذي معك المظلة.
- المعلم لاحد تلاميذه: لماذا تتحدث مع زميلك اثناء الدرس.. التلميذ: كنت اساله.. المعلم: لماذا لا تسالني انا.. التلميذ: حسنا هل ستهرب معنا بعد الدرس يا استاذ.
- قال القاضي للص هناك 8 شهود شاهدوك تسرق فلا تنكر فقال اللص ولكني مستعد ان احضر لك 100 شاهد يشهدون انهم لم يروني وانا اسرق يا سيدي.
- واحد ندل جيرانه خبطوا عليه بالليل وقالوله ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربة مياه و نامى
- بيسألوا واحد صعيدي بيقولوله المصري بنى الأهرامات والياباني بنى إيه .... قالهم بنا سونيك.
- واحد غبي ركب العربية بالليل ولقى الدركسيون والفرامل مسروقين فراح القسم وعمل محضر سرقة ... تانى يوم الصبح راح لاغى المحضر ليه؟ إكتشف انه كان راكب ورا !
- مسطول.. سألوه ايه اصعب حاجة في الدنيا ؟؟ قالهم : اني أحدد السكسوكة وانا بآكل لبانة.
- مره واحد عدى على واحد صاحبه بخيل اوى...... لقاه حاطط ايده على عين الشمال وبيبص بالتانيه... بيقوله مال عينك ؟ قالوا م انا شايفك بواحده . اشغل التانيه ليه!
- واحد غبي راكب مع ابوه العربيه ابوه قاله اقفل الشباك ياولد الجو برد ... الولد قاله ياسلام عليك اما انت عليك تقاليع، هو يعني لما اقفل الشباك الدنيا بره هتحرر؟.
- مدرس ومدرسة اتجوزوا كتبو الكتاب في السبورة .
- مرة واحد جزار قال لمراته: انت ما حطيطيش أحمر ليه قالتله: الأحمر خلص أحطلك دهن؟
- مرة واحد واقف قدام التلاجة بيفتح الباب بتاعها بالراحة ويقفله تانى جه صاحبه وقاله ليه كدة قاله أموت وأعرف مين بيطفى النور من جوة.
- واحد قاعد مع خطيبته فى الكافيتريا فطلبلها عصير منجه ولما جه العصير -قال لها اجيبلك شاليموه قالت هو انا لسه شربت المنجه؟
- واحد بيسأل التاني هو اللي مات الحريري والا رفيقه
- بلدياتنا سألوه ماهو السيفون؟؟ قال: صندوق بحبل لما تشده يا تلحق تشرب يا متلحقش
- بلدياتنا ومعاه واحد لبناني بيدوروا على زوجاتهم فى السوق, فاتفقوا كل واحد يدور على مرات التانى, فاللبنانى بيوصف زوجته وبيقول: شعرها أصفر وعيونها زرق وقوامها سمبتيك,
ها وشو أوصاف زوجتك؟ رد ابلدياتنا وقاله: سيبك من مراتى ويلا بينا ندور على مراتك.
- مره اتنيين مساطيل مااشيين على شريط القطر فواحد بيقول للتاني يا أخي السلم ده طويل بشكل.... رد التاني عليه وقاله: اللي مضايقني ان الدرابزيين واطي أوي.
- بلدياتنا بيدهن الحيطة قالوله طب حط جرنال تحتك قال لهم: لا مش مهم أنا كدا طايل.
- بلدياتنا بيكتبوا محاضرة مع الدكتور كل ما يمسح السبورة يقطعوا الورقة.
- اتنين مساطيل دخلوا صيدلية قالوا للى فيها ممكن اتنين فول وواحد طعمية قال لهم الصيدلى احترم نفسك يا أستاذ أنت فى صيدلية وقعدوا يتشاكلوا فدخل واحد فحكى له الصيدلى الحكاية فقال له سيبك منهم اعطينى واحد عصير قصب.
- صرصار بيجري وراء عربية صرف صحي سألوه ليه؟ قال: أصله شفط المدام.
- واحد وقع من الدور الثاني لقى مصرعه، وواحد وقع من الدور الرابع لقى حتفه، وواحد وقع من الدور الثامن لقى الاثنين مع بعض.
- مرة واحد غبي راح السينما هو ومراته أو ما النور أنطفا قالها قومي يالا شكلهم هيناموا.
- واحد بعت رسالة فاضية لأهله في الهند ليه؟ زعلان منهم مبيكلمهمش.
موضوع: نكت مصرية 
الجمعة ديسمبر 04, 2009 11:20 am
